სწორი კვება – როგორია ბარიატრიის შემდგომი ცხოვრების წესი?!
ბარიატრიული ქირურგია არ არის ჭარბი წონის მომენტალური კორექციის საშუალება. გრძელვადიანი შედეგის მისაღებად და შესანარჩუნებლად აუცილებელია ცხოვრებისა და კვების წესის დარეგულირება.
მაშინ, როცა ბარიატრიის შედეგად კუჭის ზომა პატარავდება, ორგანიზმი ზღუდავს შაქრისა და ცხიმის შემცველი საკვების მიმღებლობას. თუმცა საკვების კონკრეტული ჯგუფების შეთვისება სხვადასხვა ორგანიზმს შესაძლოა განსხვავებული ჰქონდეს.
თუმცა, არსებობს ზოგადი რეკომენდაციები, რომლებიც პოსტ-ბარიატრიულ პაციენტებს დაეხმარება კვების მოწესრიგებაში.
მაგალითად, სწორი დიეტა გულისხმობს შემდეგს:
მოერიდეთ მაღალკალორიულ საკვებს, რომელსაც არ გააჩნია განსაკუთრებული კვებითი ღირებულება:
შემწვარი საკვები, სწრაფი კვება, მაღალცხიმოვანი ხორცეულობა, ტკბილეული, შაქრის შემცველი , მაღალკალორიული სანელებლები, მაკარონი, ბრინჯი, ცომეული, მარცვლეული.
რა უნდა გაითვალისწინოთ ბარიატრიის შემდეგ?!
დღეში მინიმუმ 70 გრამი ცილა აუცილებელია შეხორცების ხელშეწყობისთვის, კუნთების შესანარჩუნებლად და ორგანოთა ფუნქციის დასაცავად. ბარიატრიის შემდეგ ამ ნიშნულის მიღწევა შესაძლებელია ცილოვანი დანამატების (ძირითადად ცილოვანი კოქტეილების), უცხიმო რძის, უცხიმო რძის პროდუქტებისა და უცხიმო ხორცის მეშვეობით. პროტეინი მიღებულ უნდა იქნას კვების დაწყებისას პირველ ეტაპზე.იმისთვის, რომ არ მოხდეს დეჰიდრატაცია, აუცილებელია მინიმუმ 2 ლიტრი წყლის, არა გაზირებული, უშაქრო, უკოფეინო სითხის მიღება.
შესაძლოა ადგილი ჰქონდეს ტკივილს ზედა მხრის ან გულმკერდის ზედა ნაწილში, იმ შემთხვევაში, როდესაც ძალიან ბევრი საკვები მიიღება ერთდროულად ან საკვები ძალიან ძნელად მოსანელებელია.
შესაძლოა განვითარდეს ლაქტოზის აუტანლობა, გამოიყენეთ ულაქტოზო რძე ან ლაქტაზას ფერმენტის ტაბლეტები. როგორც წესი, ამ შემთხვევაშიც კი, ადამიანებს შეუძლიათ მიიღონ იოგურტი და მყარი ყველი. ყაბზობა ჩვეულებრივ ქრება ოპერაციიდან პირველი თვის განმავლობაში. ყაბზობის ყველაზე გავრცელებული მიზეზი სითხის ნაკლებობაა. თანდათან გაზარდეთ ხილისა და ბოსტნეულის მიღება. გულძმარვა შეიძლება გამოწვეული იყოს გაზიანი სასმელების მიღებით. წონის მკვეთრი ცვალებადობა / წონის მომატება ნორმალურია ოპერაციის შემდეგ პირველ წელს. თუ დინამიკა გრძელდება 3-4 კვირაზე მეტხანს, იფიქრეთ ვარჯიშის გაზრდაზე ან თვალყური ადევნეთ თქვენს დიეტას, აცნობეთ დიეტოლოგს. წონის მომატება შეიძლება მოხდეს ოპერაციის შემდეგ, თუ არ ხდება სწორი დიეტის დაცვა, ფიზიკური აქტივობა, ან კვების რეჟიმის ცვლილებისადმი ფსიქო-ემოციური მომზადება. ალკოჰოლის მიუღებლობა -კუჭის ბაიფასის შემდეგ, კუჭი აღარ ახდენს ალკოჰოლის მეტაბოლიზებას, ამიტომ ის სისხლში შედის ბევრად უფრო სწრაფად, რამაც შეიძლება გაზარდოს ღვიძლის დაავადების რისკი. ალკოჰოლიზმის რისკი მნიშვნელოვნად იზრდება ბარიატრიულ პაციენტებში, ისევე როგორც ტრანსფერული დამოკიდებულების რისკი.
